Արեւմտահայ արմատներով մտավորականի կարծիքով, դա նույնիսկ մի քիչ ուշացած էր:
Aravot.am-ը ՀՀ մշակույթի նախկին նախարար, գրող Ռոլանդ Շառոյանից հետաքրքրվեց, թե որպես մտավորական ինչպե՞ս է գնահատում Միավորված ազգերի կազմակերպության գլխավոր ասամբլեայի 69-րդ նստաշրջանում ՀՀ նախագահ Սերժ Սարգսյանի ելույթը: Պարոն Շառոյանը նշեց, որ տեսանյութը չի տեսել, տե՛քստն է կարդացել, ու տպավորությունը դրական է. «Կարծում եմ, որ այն խնդիրը, որ նախագահը դրեց ՄԱԿ-ում՝ նկատի ունենալով, թե աշխարհաքաղաքական այս զարգացումների համատեսքտում, ինչեր է կատարվում աշխարհում, ճի՛շտ մտածողություն էր, եւ հենց այդ տիպի ելույթ էր անհրաժեշտ»:
Ցյուրիխյան արձանագրությունները գրողի ծոցը ուղարկելուն էլ անդրադարձ եղավ: Ռոլանդ Շառոյանի ձեւակերպմամբ, որպես արեւմտահայ՝ իր սրտով էր այդ արտահայտությունը, որը փոքր-ինչ ուշացած էր: «Ես էլ կուղարկեի գրողի ծոցը, ու ավելի շուտ, չնայած ինձ ոչ թե քաղաքական, այլ ազգային գործիչ եմ համարում, մարդ, որի համար կարեւոր է երկիրը»,-հավելեց նա:
Գոհար ՀԱԿՈԲՅԱՆ
Կարդացեք նաև
