2014 թվականին Երևանի քաղաքապետարանի և վարչական շրջանների ծրագրով մայրաքաղաքում ասֆալտապատվող 2.0 մլն քմ տարածքից 622300 քառակուսի մետրը բաժին է ընկնում փողոցների հիմնանորոգմանը: Ըստ այդմ, նախատեսված 23 փողոցներից 12-ում`Բաշինջաղյան, Մազմանյան, Բեկնազարյան, Արզումանյան, Ագաթանգեղոսի, Կուստոյի, Աթոյան, Ավետիսյան, Համբարձումյան, Նանսենի, Գրիգոր Լուսավորչի և Շիրակի փողոցներում, աշխատանքներն ամբողջությամբ ավարտվել են, ներառյալ մայթերի ասֆալտապատումը, նոր եզրաքարերի տեղադրումը, հաշմանդամների և երեխաների համար նախատեսված թեքահարթակների կառուցումն ու դիտահորերի կարգաբերումը: Օրերս շահագործման կհանձնվի նաև Բելինսկու փողոցը: Անդրանիկի, Նոր Արեշի 50-րդ, Ազատամարտիկների և Մայիսի 9-ի փողոցների հիմնանորոգումը կավարտվի առաջիկա օրերին: Մյուս փողոցներում աշխատանքները թևակոխել են ավարտական փուլ և կեզրափակվեն նախատեսված ժամկետից` հոկտեմբերի 30-ից շուտ:
Երևանի քաղաքապետ Տարոն Մարգարյանի հանձնարարությամբ՝ բոլոր փողոցներում խիստ վերահսկողություն է սահմանված որակական չափանիշների նկատմամբ: Հիմնական բարեկարգման ավարտից հետո հնարավոր թերությունների դեպքում կազմվում են արձանագրություններ`կարճ ժամկետում դրանք վերացնելու համար:
Երևանի քաղաքապետարան
