Երևանի քաղաքապետարան – վարչական շրջան – բնակիչ կապը սերտացնելու և քաղաքացիների բարձրացրած խնդիրներին արագ ընթացք տալու նպատակով Երևանի քաղաքապետարանի և մայրաքաղաքի վարչական շրջանների աշխատակազմերում գործում են թեժ գծի հեռախոսահամարներ: Երևանի քաղաքապետ Տարոն Մարգարյանի հանձնարարությամբ քաղաքացիներից ստացված յուրաքանչյուր ահազանգ կամ խնդիր մանրամասն ուսումնասիրվում և հնարավորին արագ լուծում է ստանում:
Սեպտեմբերի 16-ից 19-ն ընկած ժամանակահատվածում վարչական շրջաններում թեժ գծերի հեռախոսահամարներով ընդհանուր առմամբ ստացվել է 89 հեռախոսազանգ, որոնցից 55-ին տրվել են լուծումներ, իսկ 34-ի վերաբերյալ աշխատանքներն ընթացքի մեջ են: Երևանի քաղաքապետարանի կենտրոնական ապարատի թեժ գծերով նախորդ շաբաթվա ընթացքում ստացվել է 167 հեռախոսազանգ: Դրանցից 137-ն արագ կարգով լուծվել են, 30 հեռախոսազանգերի դեպքում բարձրացված խնդիրներն ուսումնասիրման, հաջորդիվ նաև լուծման փուլում են:
Երևանի քաղաքապետարան
