Հարավ-Աֆրիկյան Հանրապետության Դուրբան քաղաքում ընթացող 8-18 տարեկան շախմատիստների աշխարհի առաջնություններում վեց տուրից հետո Հայաստանի 10 մասնակիցներից առնվազն չորսը կարող են հավակնել մրցանակային տեղերի:
14 տարեկան տղաների խմբում Հայկ Մարտիրոսյանը եւս վեց շախմատիստների հետ վաստակել է 5,0 միավոր եւ լրացուցիչ գործակիցներով 6-րդ տեղով ընթանում է մրցաշարային աղյուսակը գլխավորողների խմբում:
Հաջող են հանդես գալիս նաեւ մեր 18 տարեկան տղաները: Նորայր Թորոսյանը (նկարում) 4,5 միավորով առայժմ 7-րդն է, Տիգրան Հարությունյանը 4,0 միավորով՝ 12-րդը: Իր անվան դիմաց 4,5 միավոր գրանցել է նաեւ 16-ամյա Մանուել Պետրոսյանը: Նա 12-րդ հորիզոնականում է:
Այսօր աշխարհի առաջնությունում հանգստի օր է:
Կարդացեք նաև
Աշոտ ՀԱԿՈԲՅԱՆ
