Փորձագետների կարծիքով՝ դա շատ սուր հարց է:
Սեպտեմբերի 24-ին, «Նովոստի» միջազգային մամուլի կենտրոնում Մոսկվա-Թբիլիսի-Երեւան տեսակամրջի ընթացքում Azerross.ru կայքի լրագրողը ռուս բանախոսներից հետաքրքրվեց, թե ի՞նչ են մտածում այն հանգամանքի շուրջ, որ մի խումբ ադրբեջանցի փորձագետներ Մոսկվային մեղադրում են հայամետ լոբբինգ կատարելու մեջ: Անդրեյ Արեշեւը (լուսանկարում) պատասխանեց, որ Ռուսաստանը բավականին մեծ եւ բարդ կառուցվածք ունեցող երկիր է. «Նույն զգացմունքներով էլ շատ հայ փորձագետներ մեղադրում են Մոսկվային ադրբեջանամետ լոբբինգ կատարելու մեջ: Կարող եմ ասել, որ կարելի է խոսել նաեւ ուկրաինամետ լոբբիի մասին էլ: Իհարկե՛, համակրանք գոյություն ունի, այդ թվում նաեւ անձնական, բայց պատկերը կազմվում է առավել շատ հանգամանքներից»:
Լրագրող, կովկասագետ Ելենա Բադյակինան հավելեց, որ մի քանի շաբաթ առաջ Մոսկվայում պետք է ելույթ ունենար Արցախի Կոմիտասի անվան կապելան, սակայն համերգը վերջին պահին հետաձգվեց, եւ շատ հայեր սկսեին մեղադրեցին Ռուսաստանին ադրբեջանամետ լոբբինգի մեջ. «Ադրբեջանի սփյուռքը նույն Մոսկվայում շատ ավելի շատ է, քան հայկականը, այդ իսկ պատճառով այստեղ կարելի է ասել, որ Հայաստանը կարող է նախատել, որ Մոսկվայում ադրբեջամետ լոբբի կա: Դա շատ սուր հարց է»:
Կարդացեք նաև
Ամի ՉԻՉԱԿՅԱՆ
Եվ ի*նչ…Օկուպացնե*լ Մոսկվան:Ո*վ ձեզ հետ չէ, ձեր դե*մ է:Տեսնես ո*վ է ձեզ հետ, կողմ և …