«Աղվան Վարդանյանի փոխարեն չեմ կարող ասել, թե ում նկատի ունի, հարցրեք Աղվան Վարդանյանին»,- Aravot.am-ին ասաց ԱԺ ԲՀԿ խմբակցության քարտուղար Նաիրա Զոհրաբյանը՝ պնդելով, որ ԲՀԿ-ն իրեն չի վերագրում ԱԺ ՀՅԴ խմբակցության պատգամավոր Աղվան Վարդանյանի դիտարկումը, թե ՀՀ երկրորդ նախագահը ընդամենը 2006 թվականին` 2007 թվականի խորհրդարանական ընտրություններից առաջ, ոչ մի տեղից ստեղծեց քաղաքական ուժ, որը մեկ տարի հետո հսկայական ձայն տարավ ընտրություններում եւ այսօր ազդեցիկ քաղաքական ուժերից է:
«Ընդամենը կխոսեմ այսօրվա մասին: Կրկնում եմ՝ մենք դեմ ենք իշխանության վերարտադրմանը, իսկ այս սահամանադրական փոփոխությունները ենթադրում են ՀՀԿ-ի եւ գործող իշխանության վերարտադրություն, ինչին դեմ ենք ու մեր դեմ դիրքորոշումը արտահայտելու ենք հստակ, հիմնավորված ու փաստարկներով»,- ասաց տիկին Զոհրաբյանը:
Անդրադառնալով ՀՅԴ-ի հասցեին ուղղված քննադատությանը, թե ինչո՞ւ սահմանադրական փոփոխությունների հարցում իրեն սկզբունքային համարող ՀՅԴ-ն չլքեց իշխող կոալիցիան 2005 թվականի սահմանադրական փոփոխությունների ժամանակ, այլ աջակցեց կիսանախագահական համակարգը պահպանող սահմանադրական փոփոխություններին՝ տիկին Զոհրաբյանն ասաց. «Հարցերը բազում են, շատ լուրջ են, կարծում եմ՝ Դաշնակցությունը հստակ պետք է այդ հարցերին պատասխանի: Մենք հարգում ենք իրենց դիրքորոշումը, եթե դա իրենց համար իրապես սկզբունքային դիրքորոշում է, բայց մենք էլ ունենք մեր սկզբունքային դիրքորոշումը ու նույնանման վերաբերմունք ակնկալում ենք մեր դիրքորոշոման հանդեպ»:
Մեր հարցեին, թե ՀՅԴ-ի՝ քառյակից որոշակի ժամկետով հեռանալու հիմնավորումը համոզի՞չ չէր, հարցե՞ր են մնացել, տիկին Զոհրաբյանն ասաց. «Կրկնում եմ՝ հարգում ենք իրենց դիրքորոշումը, իրենց չենք քննադատում, բայց նույնպիսի հարգանք անկալում ենք մեր դիրքորոշման հանդեպ»:
Կարդացեք նաև
Արփինե ՍԻՄՈՆՅԱՆ
