Գորիսի համայնքի ավագանին սատար կանգնեց Արմեն Վանյանի և Աիդա Բադիրյանի ընտանիքներին: Արտահերթ նիստում Գորիսի ավագանին որոշեց այդ ընտանիքներին համայնքի պահուստային բյուջեից հատկացնել 1-ական միլիոն դրամ` որպես աջակցություն:
Ֆինանսական այս օգնությունը մեծ նշանակություն ունի այդ ընտանիքների համար: Արմեն Վանյանի տունն այս տարվա սեպտեմբերի 8-ին հրդեհվել է: Ամբողջովին վառվել է առանձնատան 2-րդ հարկը, տան ամբողջ գույքը: 7 հոգանոց ընտանիքն այժմ ապրում է բարեկամների տանը:
Արեգունի թաղամասի թիվ 1 տան բնակչուհի Աիդա Բադիրյանը ևս ծանր կացության մեջ է. այդ տնակում սեպտեմբերի 4-ի լույս 5-ի գիշերը, ժամը 00.10 րոպեի սահմաններում ծագած հրդեհի պատճառով տնակում այրվել ու մահացել է նրա որդին` Ռաֆիկ Աշոտի Աղաբեկյանը` ծնված 1989 թ:
Ի դեպ, Արմեն Վանյանին օգնության ձեռք է մեկնել գորիսեցի գործարար Առուշ Առուշանյանը. նա ընտանիքին ուղարկել է լվացքի մեքենա, օրորոց, ծածկոց և այլն, իսկ Արցախից ստացվել է 15 խմ վառելափայտ:
Կարդացեք նաև
Ալվարդ Մեսրոպյան
Գորիս
