«Ես ինքս ընթերցել եմ այդ մասին, որ իմ տղաները տուժող են ճանաչվել ու զարմացել եմ: Դա իրականությանը չի համապատասխանում: Ես չգիտեմ դա ինչ տեղեկություն է, բայց հիմա ուրախանալու շատ մեծ առիթ կա, հիմա ուրախալի իրադարձություններին անդրադառնալու ժամանակն է», – Aravot.am-ի այն հարցադրմանը, թե փաստորեն Շիրակի ոստիկանապետի հետ ունեցած միջադեպը դեռ քննվո՞ւմ է, ասաց հունահռոմեական ոճի ըմբիշ, աշխարհի չեմպիոն, Արթուր Ալեքսանյանի հայրը` Գևորգ Ալեքսանյանը:
Հիշեցնենք, որ խոսքը մայիսի 7-ին Շիրակի ոստիկանապետ, գնդապետ Վարդան Նադարյանի ու չեմպիոն Արթուր Ալեքսանյանի ու նրա եղբոր Ռաֆայել Ալեքսանյանի միջև տեղի ունեցած միջադեպի մասին է, որի առիթով Հատուկ քննչական ծառայությունը մերժել էր քրեական գործի հարուցումը:
Նշենք, սակայն, որ ilur.am-ի փոխանցմամբ, ՀՀ վերաքննիչ դատարանում այս տեղեկատվության աղբուրի բացահայտման պահանջի բողոքարկման դատաքննության ժամանակ դատախազ Հայկ Պետրոսյանը հայտարարել է, որ Արթուր և Ռաֆայել Ալեքսանյանները տուժող են ճանաչվել: Դատախազը նաև նշել էր, որ գործով մեղադրյալներ դեռևս ներգրավված չեն:
Շիրակի ոստիկանապետ Վարդան Նադարյանը այսօր մեզ հետ ունեցած հեռախոսազրույցում ասաց, որ ավելին չունի փոխանցելու, քան այն, որ քրեական գործի հարուցումը մերժվել է ՀՔԾ-ի կողմից:
Կարդացեք նաև
Նկատենք, որ Արթուր Ալեքսանյանն ու Ռաֆայել Ալեքսանյանը ՀՔԾ-ում հրաժարվել են ցուցմունքներ տալուց, որի պատճառով էլ քրեական գործի հարուցումը մերժվել է:
Նունե ԱՐԵՎՇԱՏՅԱՆ
Փաստորեն , հայրը ընդունում է, որ վատ դեպք էլ տեղի ունեցել, բայց ՞ հիմա ուրախալի իրադարձություններին անդրադառնալու ժամանակն է՞, այսպիսի մի մեկնաբանության հոր կողմից մի անգամ էլ եմ հանդիպել, ոնց որ ինքը չի ժխտում տեղի ունեցածը և խոսքը այլ ուղղությամբ տանում