«Վերջին հանրահավաքից երևում է, որ «Ժառանգությունն» էլ է մտել քոչարյանական շվաքի տակ»,-երեկ այսպիսի հայտարարությամբ հանդես եկավ «Ժողովրդավարական հայրենիք» կուսակցության նախագահ Պետրոս Մակեյանը: «Ժառանգություն» կուսակցության փոխնախագահ Արմեն Մատիրոսյանը զարմացած է, թե ինչպես կարող են նման խոսակցություններ ծավալվել, եթե իրենք անգամ Ռոբերտ Քոչարյանի հարց չեն քննարկել:
Aravot.am-ի հետ զրույցում պարոն Մարտիրոսյանը մանրամասեց. «Ժառանգությանը կարող են մեղադրել, որ Պինոչետիի ազդեցության տակ է գտնվում: Իսկ ի՞նչ կապ ունի Ռոբերտ Քոչարյանը: Ո՞վ է նրա հարցը քննարկել, որ նա կապ ունենա «Ժառանգության» հետ: Ընդհանրապես նման օրակարգ էլ չկա, էլ ո՞ւր մնաց, որ տեղի ունենա: Դա Գյուլնազ տատի հեքիաթներից է: Ի՞նչ կապ ունի Ռոբերտ Քոչարյանը, առավել ևս, որ Րաֆֆի Հովհաննիսյանն այդ հարցին հստակ պատասխանել է»:
Տաթև ՀԱՐՈՒԹՅՈՒՆՅԱՆ
