Տեքստիլի եւ հագուստի արտադրության եւ արտահանման նոր հնարավորություն

Այսօր Երեւանում տեղի ունեցավ ՄԱԿ-ի արդյունաբերական զարգացման կազմակերպության (UNIDO) կողմից իրականացվող «Հայաստանի արտահանման ուղղվածություն ունեցող արդյունաբերական ճյուղերի մրցունակության բարձրացում արդիականացման և շուկան մատչելի դարձնելու միջոցով» նոր ծրագրի շնորհանդեսը, որը նպատակ ունի պահպանել եւ մեծացնել տեքստիլի եւ հագուստի արտադրության տեղական ձեռնարկությունների բաժինը ներքին շուկայում եւ նպաստել տարածաշրջանային եւ միջազգային շուկաներում Հայաստանի ինտեգրմանը:

Ծրագիրը ֆինանսավորվում է Ռուսաստանի դաշնության`UNIDO-ի արդյունաբերական զարգացման հիմնադրամին կատարած ներդրումներից:

Ինչպես ներկայացրեց ՄԱԱԶԿ ծրագրերի զարգացման եւ տեխնիկական համագործակցության տնօրինության բիզնեսի, ներդրումների եւ տեխնոլոգիական ծառայությունների բաժանմունքի տնօրեն Լամին Դհաոուին՝ այս ծրագիրը փոքր եւ միջին ձեռնարկատիրություններին հնարավորություն է տալու զարգացնել եւ բարելավել իրենց տեխնիկական կարողությունները՝ որակյալ եւ բարձրարժեք դիզայնով հայկական արտադրանք շուկա հանելու նպատակով:
Ծրագիրը համակարգվում է ՀՀ էկոնոմիկայի նախարարության կողմից:

Կարդացեք նաև

«Ոչինչ էլ չի վերջացել, և չի կարող վերջանալ, պատմության անիվը պտտվում է, և մեզնից է կախված՝ կընկնենք այդ անիվի տակ, թե կվերականգնվենք»

• 23:50 02.10.2023

Ադրբեջանի տարածքում «միջազգային երաշխի՞ք։ Այդ ո՞ր երկրներն են, որ կարող են ապահովել «միջազգային երաշխիքներ» Ադրբեջանի ներսում. Կարեն Ճշմարիտյան

• 17:02 29.05.2023

Քանի անգամ պետք է նույն բանը կրկնեն, որ վերջապես ընկալվի, թե որ երկրից, որ կենտրոնից, երբ և ինչ կարելի է ակնկալել, խնդրել, կամ պահանջել․ Կարեն Ճշմարիտյան

• 11:37 18.01.2023

Էկոնոմիկայի նախարար Կարեն Ճշմարիտյանը, իր խոսքում նշեց, որ կառավարությունը իր առջեւ նպատակ է դրել, որպեսզի Հայաստանը ժամանակակից համաշխարհային տնտեսությունում եւ տարածաշրջանային զարգացումներում առաջատար դիրքեր ապահովի. «Մենք մեր առջեւ խնդիր ենք դրել վերականգնել մեր դիրքերը իրացման շուկաներում եւ հույս ունենք այս հարցում միջազգային կազմակերպությունների եւ UNIDO-ի աջակցությունը իր գործուն դերը կունենա: Վստահ ենք, որ ծրագիրը կնպաստի ճյուղի արդիականացման եւ վերազինման նպատակներին: Անհրաժեշտ է ընդգծել, որ այս ծրագրի իրականացմամբ հնարավոր կլինի այս ճյուղում ներդնել արտադրության եւ կառավարման նոր մշակույթ, որը հասկանալի եւ ընկալելի կլինի մեր օտարերկրյա գործընկերների համար»:

Նախարարը կարեւորեց հայկական հագուստի բրենդի ստեղծումը, քանի որ դրա շնորհիվ կանոնավոր կերպով կապահովվեն շարունակական ծավալուն պատվերները եւ կբարելավվի արտադրանքի որակը: Կարեն Ճշմարիտյանը կարեւորեց, որ ծրագիրը հնարավորություն կտա նոր աշխատատեղեր ստեղծել:

Ծրագրի մեկնարկը տրվեց ծրագրային փաստաթղթերի ստորագրումից հետո:

Էլյա ՀՈՎՀԱՆՆԻՍՅԱՆ