ՀԱԿ խմբակցության ղեկավար Լեւոն Զուրաբյանը ՀԱԿ-ի հրավիրած հավաքում իր ելույթն սկսեց հավաքի մասնակիցներից մեկի ձեռքի պաստառի վրա գրվածն ընթերցելով. «Տոնդ շնորհավոր, ընդիմություն» ու շարունակեց. «Տոնը միայն ընդդիմությանը չէ: Տոնը Հայաստանի բոլոր քաղաքացիներինն է, ամբողջ Հայաստանինն է: Բայց պլակատի մեջ, այնուամենայնիվ, իմաստ կա: Իմասնտ այն է, որ ցավոք սրտի, Այսօրվա Հայաստանի իշխանությունները, քաղաքական վերնախավը այդքան քիչ արձագանքում է տալիս անկախության տոնին, որ մենք իրենց փոխարեն այս տոնով այս արժեքների կրողը պետք է դառնանք: Մենք արդեն որերորդ տարին է, նշում ենք անկախության տոնը: Եվ Հայաստանի Հանրապետությունում ոչ ոք այդքան քաղցրությամբ, այդքան իմաստալից ձեւով, այդքան կյանք ու հոգի դրա մեջ դրած՝ չի շնորհավորում մեկը՝ մյուսին, որքան մենք իրար: Որովհետեւ ՀԱԿ-ը, նախկինում՝ ՀՀՇ-ն, այն քաղաքական ուժն է, որը հիմնադրել, նվաճել է անկախությունը Հայաստանի՝ ի տարբերություն շատ պետությունների, որոնց գլխի վրա ուղղակի ընկավ այդ անկախությունը: Դրա համար էլ ասում ենք՝ տոնդ շնորհավոր, ընդդիմություն: Բայց նաեւ ասում ենք, որ սա խայտառակություն է, այսպես չպիտի լիներ: Պիտի լիներ այնպես, որ այս տոնը շնորհավոր լիներ ամբողջ Հայաստանի համար եւ հատկապես, առաջին հերթին՝ իշխանությունների համար: Իսկ այդ պահը մի օր գալու է, երբ Հայաստանը կունենա իշխանություն, որի համար սա լինելու է առաջնային, ամենակարեւոր տոնը:
Մի քիչ էլ նախագահի մասին խոսենք: Նաեւ այն պատճառով, որ իրականում անկախության արժեքը այն է, որ ժողովուրդը իր բախտը վերցնում է իր ձեռքը: Հիմա ես ձեզ հարց եմ տալիս. Արդյո՞ք հայ ժողովուրդը այսօր իր բախտը պահում է իր ձեռքում, իր ճակատագրի տերն է: Ոչ:
Հոկտեմբերի 10-ը, հավատացեք, լինելու է այն պատմական հազվագյուտ օրերից, որ ժողովուրդը ճակատագիրը վերցնում է իր ձեռքը»:
Աշոտ ՀԱԿՈԲՅԱՆ
Կարդացեք նաև
