«Տիգրան Մանսուրյանի ստեղծագործական վերելքի դերում շատ կարեւորվեց Վեբերնի դերը»,-այսօր «Նարեկացի» արվեստի միությունում կարծիք հայտնեց արվեստաբան Մհեր Նավոյանը`«Մանսուրյանը եւ հայ արվեստը» թեմայով դասախոսության ժամանակ: Հիշեցնենք, որ միությունում անցկացվում են մանսուրյանական օրեր` հանրահայտ կոմպոզիտոր Տիգրան Մանսուրյանի 75-ամյակի կապակցությամբ, որոնց շրջանակում անցկացվում է դասախոսությունների շարք՝ նվիրված կոմպոզիտորի արվեստին:
Կոմպոզիտորի արվեստը, սակայն, միայն «Վեբերնի ուսերին» նստած չի եղել: Արվեստաբանի կարծիքով Կոմիտասն էլ իր տեսակի մեջ սկզբնակետ է հանդիսացել Մանսուրյանի արվեստի համար: «Տիգրան Մանսուրյանը կարող էր հաշտեցնել աշխարհի ավանգարդիստական զարգացումները հայ իրականության հետ»,-իր զուգահեռներում նման եզրահանգում արեց բանախոսը:
Մանսուրյանի`բարոկկոյի շրջանի ստեղծագործությունների մասին խոսելիս, տեսաբանը հատկանշական համարեց, որ կոմպոզիտորը հիմք է ընդունել հայ միջնադարյան գրականությունը: Մասնավորաբար, Նահապետ Քուչակի հայերենները: Դրանք ժամանակին որակվել են «կոմպրոմիսային» երաժշտություն, քանզի ավանգարդիստ կոմպոզիտորը տեղի է տվել ավանդականին:
Կարդացեք նաև
Նելլի ԳՐԻԳՈՐՅԱՆ
