«Ես պատմաբան կամ գիտնական չեմ, եւ դա է պատճառը, որ ես չեմ կարող ասել՝ ո՞վ է ճիշտ, ով՝ սխալ»: Սա Գերմանիայի «Քրիստոնեադեմոկրատական» կուսակցության պատգամավոր, արտաքին հարաբերությունների հանձնաժողովի անդամ Մանֆրեդ Գրունդի պատասխանն է Aravot.am-ի հիշեցմանը, որ հաջորդ տարի Հայոց ցեղասպանության 100-րդ տարելիցն է, եւ Գերմանիան այն երկրներից է, որ չի ընդունում Հայոց ցեղասպանությունը:
Իր խոսքում Գերմանիայի խորհրդարանի պատգամավորը նշում է, թե փաստ է, որ մեկուկես միլիոն հայ է սպանվել: Ասում է, որ Հայոց ցեղասպանության 100-րդ տարելիցին ընդառաջ արդեն խոսել է Բունդեսթագի ղեկավարի հետ, եւ հիմա ել քննարկում են, թե ինչ ձեւաչափ ընտրեն, որպեսզի հաջորդ տարի հիշատակեն «այդ սարսափելի ոճրագործության 100-րդ տարելիցը»:
«Բունդեսթագում ամենայն հավանականությամբ կընդունվի բանաձեւ այդ իրադարձությունների վերաբերյալ, եւ Բունդեսթագի ներսում կկազմակերպվեն բանավեճեր»,- Aravot.am-ին հավատացնում է Գերմանիայի խորհրդարանի պատգամավորը:
Հռիփսիմե ՀՈՎՀԱՆՆԻՍՅԱՆ
Կարդացեք նաև
Բեռլին
