2009 թվականին Քոչարյանը «ընտրվել է» «Սիստեմայի» տնօրենների խորհրդում որպես անկախ տնօրեն եւ հետագայում ամեն տարի վերընտրվել այդ պաշտոնում։ Ռուսական մամուլում կարծիքներ են հնչում, որ այդ պաշտոնը Քոչարյանը ստացել է «Սիստեմային» ցուցաբերած լայն աջակցության համար։ Ի՞նչ աջակցության մասին է խոսքը։ Խնդիրն այն է, որ Հայաստանում բջջային կապի երկրորդ օպերատորը՝ «Ղ-տելեկոմը» («Վիվասելը») պատկանում է «MTC»-ին։ Իսկ «MTC»-ի բաժնետոմսերի 53.1 տոկոսը, իր հերթին, պատկանում է «Սիստեմային»։ Այլ կերպ ասած՝ եթե չլիներ Քոչարյանը, «Ղ– Տելեկոմը» չէր դառնա «Սիստեմայի» սեփականությունը։
Իհարկե, եթե Եվտուշենկովի շուրջ իրադարձությունները շարունակեն զարգանալ բացասական սցենարով, ապա հարցականի տակ կդրվի Քոչարյանի՝ «Սիստեմայում» պաշտոնավարման հեռանկարը։ Նույնիսկ արդեն կանխատեսումներ կան, թե Քոչարյանը որեւէ կարգավիճակով կարող է ներգրավվել այս քրգործում։ Սա, իհարկե, քիչ հավանական է։
Սակայն, ավելի կարեւոր է այն, թե ի՞նչ է սպասվում բջջային կապի մեր երկրորդ օպերատորին՝ «Վիվասելին»։ Ռուսական մամուլը համոզված է, որ Եվտուշենկովի կալանավորումը քաղաքական որոշում է եւ համաձայնեցված է ՌԴ նախագահ Վլադիմիր Պուտինի հետ։ Իսկ դա նշանակում է, որ «Սիստեմային», մեղմ ասած, դժգույն օրեր են սպասվում։ Իսկ դա կարող է բացասաբար անդրադառնալ «Վիվասելի» գործունեության վրա՝ «Սիստեմայի» կողմից իրականացվող ներդրումների առումով։ Արդեն իսկ արձանագրվել է «Սիստեմայի» կազմում գտնվող ընկերությունների բաժնետոմսերի որոշակի արժեզրկում։
Սի խոսքով, հեռավոր Մոսկվայում օլիգարխներից մեկի նկատմամբ սկսված քրեական հետապնդումը, ինչպես տեսնում ենք, կարող է ազդեցություն թողնել նաեւ մեզ վրա։
Կարդացեք նաև
Հայկ ԳԵՎՈՐԳՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
