Սեպտեմբերի 16-ին Բրիտանական «Գարդիանը» հրապարակել է հոդված` «Եթե տրվի հնարավորություն՝ երկրները հակված են «այո» ասել անկախությանը» վերնագրով, որտեղ անդրադարձել է 1846 թվականից հետո անկախություն հռչակած երկրներին: Ցանկի վերջին թարմացման առիթը Շոտլանդիայի անկախացման ցանկությունն է, որի վերաբերյալ «Գարդիանը» գրում է. «Յուրաքանչյուր երկիր իր պատմությամբ և ընտրությամբ եզակի է և տարբերվող: Շոտլանդիան նույնպես բացառություն չէ, և եթե տրվել է հնարավորություն, երկրները հակված են վճռականորեն քվեարկել հօգուտ անկախության»:
Հրապարակման մեջ ներկայացվել է հիսուն երկրների ցանկը, որտեղ դրական քվեների միջինը 82,9 տոկոս է:
Հեղինակավոր պարբերականի ցանկի առաջատարը 1846 թվականին անկախացած Լիբերիան է՝ 52 տոկոս կողմ ձայներով, իսկ եզրափակողը 2014-ին Ուկրաինայի կազմից դուրս հռչակված Լուգանսկը ՝ 96,2 տոկոսով:
Հայաստանը ըստ ժամանակագրական ցանկի 22-րդ տեղում է՝ 99,51 տոկոս անկախության կողմնակիցներով, այն դեպքում, երբ քվեարկությանը մասնակցել է երկրի բնակչության 95 տոկոսից ավելին:
Կարդացեք նաև
Հայաստանին հետևում է Ադրբեջանը՝ տասնորդական-հարյուրերորդական նիշերով ն գերազանցելով է հայկական ցուցանիշները՝ 99,80 կողմ ձայներով՝ բնակչության 95,30 տոկոսի մասնակցությամբ:
«Գարդիանը» չի շրջանցել նաև Լեռնային Ղարաբաղի անկախությունը՝ 98.89 կողմ քվեներով՝ 82,17 տոկոս բնակչության մասնակցությամբ: Ցանկում Արցախը երեսուներորդն է:
Ցուցակի՝ մեզ առնչվող հատվածը ստորև՝
Սյունե ՍԵՎԱԴԱ
