Երևանի Ավան և Նոր Նորք վարչական շրջանների ընդհանուր իրավասության դատարանի դատավոր Գայանե Մազմանյանն այսօր հրապարակել է քաղաքացի Գոհար Աղաջանյանի ներկայացուցիչ Մուրադ Ասրյանի հայցով վճիռը: Քաղաքացին իր երեխայի լսողության վատթարացման հետ կապված դիմել էր դատարան ընդդեմ «Ռ և Պ ՍԿԷՆԱՌ ԱՎԿ» ՍՊ ընկերության` գումարի բռնագանձման պահանջի մասին:
Քաղաքացին պահանջում էր այդ գումարը, որպեսզի լսողության սարք ձեռք բերի անչափահաս երեխայի համար: Հրապարակվել է վճռի եզրափակիչ մասը, կողմերը դեռ այն չեն ստացել: Դատարանը մերժել է Գոհար Աղաջանյանի հայցը:
Հիշեցնենք, որ գործը դատարանում էր գտնվում անցյալ տարվա մարտի 28-ից:
Դատարանի 20.02.2014թ. որոշմամբ, սույն քաղաքացիական գործի վարույթը կասեցվել էր, քանի որ բժշկի դեմ այս նույն գործով առկա էր թիվ 17104214 քրեական գործը:
Գոհար Աղաջանյանի ներկայացուցիչ Մուրադ Ասրյանը դիմում էր ներկայացրել դատարան` հայտնելով, որ քրեական գործը 11.04.2014 թվականին կարճվել է:
Դատարանի իրավական գնահատականներին եւ հիմնավորումներին մասին կանդրադառնանք առաջիկայում:
Ռուզան ՄԻՆԱՍՅԱՆ
