«Ինչպես եղավ, որ այն կուսակցությունները, որոնք կողմ էին սահմանադրական փոփոխություններին, հիմա դեմ են, իսկ իշխող կուսակցությունը կողմ է: Սա բնութագիր է»,- այսօր «Ժառանգություն» կուսակցության նախաձեռնությամբ Սահմանադրական բարեփոխումներին նվիրված խորհրդաժողովի ժամանակ հայտարարեց կուսակցության նախագահ Րաֆֆի Հովհաննիսյանը:
Նա իր ելույթի սկզբում զգուշացրեց քաղաքական ուժերին, որ իրենից որեւէ մեկը չնեղանա եւ անձնական վիրավորանք չընդունեն իր ելույթը:
Նա ասաց՝ հարց է ծագում՝ նշանակովի նախագահ 7 տարի նշանակելով ուր պիտի հասնենք: Հարց է ծագում՝ ի՞նչ պետք է փոխվի այսօրվա իրականության մեջ, եթե այդ ընթացակարգը եւ քաղաքացու վստահությունը նաեւ զուգահեռաբար չի աճել. «Այսօր ունենք սահմանադրական նորմ, որն ասում է, որ ՀՀ ինքնիշխանությունը անօտարելի է, որքան ես եմ հասկանում այս փոփոխությունը, հիմա նման հարց կարելի է դնել հանրաքվեի, ներկայացնել Հայաստանի ինքնիշխանության հարցը հանրաքվեով: Թայմինգը՝ ժամանակի ընտրությունն էլ կա: Անցած ընտրություններից հետո՝ համարում ենք այն հրաշալի, թե կեղծված, բայց թայմինգը շատ կարեւոր է: Մեզ պետք է վստահություն բերող նման փաստաթղթի ընդունումը ոչ թե այն բանից հետո, որ մեկը ասի՝ ինձնից հետո թեկուզ փոթորիկ, ինձնից հետո ոչինչ չկա, ես վայր եմ դնում մանդատս, որովհետեւ հավատում եմ խորհրդարանական մանրակերտին: Այս վստահությունը պետք է ունենա քաղաքացին, որը մենք կկարողանանք ապահովել: Չանցնի, հետո էլ քննարկենք արտագաղթը:
Հռիփսիմե ՋԵԲԵՋՅԱՆ
