Հաշվի առնելով հանրային մտահոգության օրակարգը, Քառյակը հանրահավաքում կպահանջի՞ ամբողջական իշխանափոխություն։ Ի պատասխան Գուրգեն Արսենյանն ասաց, թե իր անձնական կարծիքով հանրահավաքներում կարելի է դնել ցանկացած հարց, այդ թվում՝ ամբողջական իշխանափոխության պահանջը, բայց ոչ այս պարագայում։
«Կարծում եմ, որ քաղաքական այն միավորները, ովքեր ձեւավորում են հանրահավաքի այսօրվա օրակարգը, հարցաշարը, այս փուլում դեռ չեն մոտեցել այդ պահանջը դնելու որոշմանը։ Պետք է կոմպրոմիսային տարբերակ ընտրել ցանկացած համագործակցության մեջ, որովհետեւ քաղաքական ուժ կա, որն ավելի զուսպ է, քաղաքական ուժ կա, որը դնում է Սերժ Սարգսյանի իշխանափոխության հարցը… Ուստի, ըստ իս, հանրահավաքի օրակարգը կլինի փոքր-ինչ լոյալ։ Ենթադրում եմ, որ ձեր կողմից հնչեցրած հարցադրումը չի լինի ակտուալը Քառյակի օրակարգում»,- կանխատեսեց Արսենյանը։
Ի դեպ, ոստիկանապետ Վլադիմիր Գասպարյանը ոստիկանության զորքերի ցուցադրական զորավարժություններից հետո, խոսելով Քառյակի կողմից խոստացված «թեժ աշունից», նշել էր, թե «թեժ աշնան» համար կան սառը ցնցուղներ, իսկ երբ ցնցուղը չի օգնում, շատ ավելի «թեժ աշուն» կարող ենք կազմակերպել»: Այս առնչությամբ Գ. Արսենյանն ասաց, թե սա ընդամենը սրամիտ պատասխան է եղել, որը չպետք է դիտարկել որպես սպառնալիք՝ Քառյակի հանրահավաքին ընդառաջ:
Տիգրանուհի ՄԱՐՏԻՐՈՍՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
Կարդացեք նաև
