Տաշքենդում ընթացող հունահռոմեական ըմբշամարտի աշխարհի առաջնության երկրորդ օրը Հայաստանից մրցագորգ պիտի մտնեին երեք ըմբիշներ՝ Միհրան Հարությունյանը՝ 66 կգ, Հրաչյա Հովհաննիսյանը՝ 80 եւ Վաչիկ Եղիազարյանը՝ 130:
Ստացվեց այնպես, որ Հրաչյային եւ Վաչիկին հաղորդավար մրցավարը տարբեր մրցագորգերի վրա գոտեմարտի հրավիրեց միաժամանակ: Ավաղ, մեր երկու տղաներն էլ պարտություն կրեցին: Գերծանր քաշային Վաչիկ Եղիազարյանը առաջին մրցափուլում ծունկը ցավեցրեց: Ճիշտ է, նա հետո շարունակեց պայքարը, սակայն պարտվեց 0:8 հաշվով:
Հրաչյա Հովհաննիսյանի գոտեմարտը կորեացի Կիմի հետ ավարտվեց 2:2 հաշվով, բայց քանի որ երկու միավորանոց հնարքը վերջինը կորեացին էր կատարել, հաղթանակը շնորհվեց հենց նրան:
Աշոտ ՀԱԿՈԲՅԱՆ
Կարդացեք նաև
