ՀՀ վարչապետ Հովիկ Աբրահամյանը հայտնվել է անելանելի իրավիճակում։ Բանն այն է, որ նրա ղեկավարած կառավարությունը ոչ մի կերպ չի կարողանամ պետական բյուջեն հավաքագրել։ Մեր տեղեկություններով, այժմ Հ. Աբրահամյանն ու կառավարության անդամները փորձում են բոլոր հնարավոր մեթոդները կիրառել՝ անհրաժեշտ հավաքագրումներն ապահովելու համար, սակայն ապարդյուն։ Դրան զուգահեռ՝ իշխանություններն ամեն ինչ անում են, որպեսզի այդ խնդիրը չբարձրաձայնվի, քանի որ այդ դեպքում ստիպված են լինելու հայտարարել, որ ՀՀ վարչապետ Հովիկ Աբրահամյանի գլխավորած կառավարությունը եւս ձախողվել է։
Թերեւս դա է պատճառը, որ արդեն երկու օր շարունակ ՀՀ կրթության եւ գիտության նախարար Արմեն Աշոտյանը եւ ՀՀ աշխատանքի եւ սոցիալական հարցերի նախարար Արտեմ Ասատրյանը վարկեր վերցնելու նախագծերով են հանդես գալիս։ Նշենք, որ երեկ ԱԺ-ում քննարկվում էր ՀՀ եւ Միջազգային զարգացման ընկերակցության միջեւ 2014-ի մայիսի 23-ին ստորագրված «Սոցիալական պաշտպանության վարչարարության 2-րդ ծրագրի» ֆինանսավորման համաձայնագիրը, ըստ որի՝ ՀՀ աշխատանքի եւ սոցիալական հարցերի նախարարությունը պատրաստվում է 13 միլիոնի վարկ վերցնել։
Երեկ այս առիթով «Ժողովուրդ»-ը զրուցել է ԱԺ ՀՀԿ խմբակցության անդամ, ԱԺ ֆինանսավարկայրն եւ բյուջետային հարցերի մշտական հանձնաժողովի նախագահ Գագիկ Մինասյանի հետ։
– Պարոն Մինասյան, մեզ հասած տեղեկությունների համաձայն՝ նորաստեղծ կառավարությունը հարկերի հավաքագրման հարցում անհաջողության է մատնվել։ Ինչո՞ւ չի հաջողվում «լցնել» պետական բյուջեն։
Կարդացեք նաև
– Իսկ դուք ինչ եք հասկանում բյուջեն լցնելու հետ կապված հարցն ուղղելով, ի՞նչ խնդրի մասին է խոսքը։
– Այսինքն՝ ՀՀ կառավարությանը չի հաջողվում հավաքագրել հարկերն ու այն գումարները, որոնք ծախսվել են աշխատավարձերի բարձրացման եւ այլ հարցեր լուծելու համար, այդ չափով մուտքերը չի հաջողվում ապահովել, այդ մասը «բաց» է մնում։
– Ուրեմն Ձեզ ասեմ, որ մենք ունենք առաջին կիսամյակի հաշվետվությունը ու առաջին կիսամյակի համաձայն՝ հարկային պարտավորությունները 100 տոկոսով, ծրագրի համաձայն, կատարվել են:
– Կարելի է ասել, որ այդ առումով որեւէ խնդիր չկա՞։
– Ես արդեն պատասխանեցի։
Սոնա ԳՐԻԳՈՐՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
