Ռուսաստանը սեպտեմբերի 21-ից կդադարեցնի իր օդային տարածքում սպասրակել «Էյր Արմենիա» ավիաընկերության սպասարկումը պարտքերի պատճառով, այդ մասին հայտնել են Դաշնային պետական ձեռնարկությունից:
Նշվում է, որ ավիաընկերության պարտքն ընդհանուր առմամբ կազմում է մոտ 1,1 միլիոն դոլար:
«Երկարաժամկետ հատվածում օդային երթևեկության կառավարման պետական կորպորացիան Ռուսաստանի Դաշնության տարածքում աերոնավիգացիոն սպասարկման համար երկարաձգել էր հայկական ավիափոխադրողի պարտքերի մարման ժամկետը: Թեև «Էյր Արմենիա»-ին տրվել էր բոլոր հնարավորությունները առկա պարտքերը մարելու համար, սակայն ավիաընկերության ղեկավարությունը միջոցներ չի ձեռնարկել, որպեսզի նվազեցնի պարտքերը», – ասված է հաղորդագրության մեջ:
Ձեռնարկությունից հայտնում են, որ սպասարկումը կվերականգնվի, երբ ավիաընկերությունն ամբողջությամբ մարի պարտքերը և երաշխավորի, որ մարելու է ընթացիկ պարտքերը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
Հ.Գ.- Տեղեկացնենք, որ «Էյր Արմենիան» հանդես է եկել պարզաբանմամբ, որը կարող եք կարդալ այստեղ:
