«ԱԺ անվտանգության ծառայության պետ Կարեն Հայրապետյանը ԱԺ-ի տարածքից դուրս գալով՝ հարձակում է գործել Ա1 պլյուսի լրագրող Մարինե Խաչատրյանի նկատմամբ: Կարծում եմ, որ տեղի է ունեցել շատ լուրջ իրավախախտում, որով պետք է զբաղվեն համապատասխան մարմինները»,- այսօր ԱԺ նիստի սկզբում այսպիսի հայտարարությամբ հանդես եկավ ՀԱԿ խմբակցության պատգամավոր Նիկոլ Փաշինյանը՝ երեկ «Բարեւ, Ռոբ» ակցիայի ժամանակ տեղի ունեցած միջադեպի հետ կապված:
Նիկոլ Փաշինյանի խոսքերով՝ «Որպես ԱԺ պատգամավոր, դատապարտում եմ նման գործելակերպը ԱԺ աշխատակցի: Կարծում եմ, դրանով պետք է զբաղվեն իրավապահները, բայց մինչ այդ, պարոն Սահակյան, կարծում եմ, պատեհ կլինի,, որ դուք հանձնարարեք, որպեսզի այդ հարցով անցկացվի ծառայողական քննություն»:
Գալուստ Սահակյանն ի պատասխան արձագանքեց՝ «Ուրի՞շ»:
Կարդացեք նաև
Նիկոլ Փաշինյանի հայտարարությանը միացավ նաեւ «Ժառանգություն» խմբակցության պատգամավոր Թեւան Պողոսյանը: Նա ասաց, որ անվտանգության աշխատողները պետք է համապատասխան վերապատրաստում անցնեն, որ կարողանան հանդուրժող լինել. «Այն պահվածքը, որը ձայնագրվել եւ ցուցադրվում էր, ագրեսիայի խնդիր էր: Անվտանգության պահպանությունը հանդուրժողականությամբ է արվում»:
Հռիփսիմե ՋԵԲԵՋՅԱՆ
Լուսանկարը՝ «Հետք» -ի:
գալուստ սահակյանից այդ էլ պետք էր սպասել, որովհետև շատ դժվար է բառեր կապակցել։ Նա կարող միայն հնչյուններ արտաբերել (ուրիշ)։