«Կոկա-կոլա» ընկերությունը «Առողջ ապրելակերպ» ծրագրի շրջանակներում պատրաստվում է բարեկարգել ու սպորտային թանկարժեք գույք տեղադրել Գյումրու թիվ 37 դպրոցի բակի մոտակայքում:Ավելի ստույգ՝ այն հատվածում, որը հարակից է դպրոցի ֆուտբոլի դաշտին: Այս ընկերությունը պատրաստվում է 10 միլիոն դրամի ներդրում կատարել, սակայն, Գյումրու քաղաքապետարանի պաշտոնյաների դժգոհելով, թիվ 37 դպրոցի տնօրինությունը դեմ է կանգնել այս ծրագրին` մտահոգվելով, որ այն կխոչընդոտի դասապրոցեսը: Քաղաքապետարանի պաշտոնյաների հավասարմամբ, հողը համայնքապատկան է, և դպրոցի տնօրինությունը իրավունք չունի արգելք հանդիսանալու: Քաղաքապետարանի գովազդի բաժնի պետ Հարություն Թադևոսյանի ներկայացմամբ՝ «Կոկա-կոլա» ընկերությունը պատրաստվում էր այդ խոշոր չափի ներդրումը կատարել Լոռիում, սակայն իրենք համոզել են վերջիններիս, բերել են Գյումրի ու այժմ նման խոչընդոտի են հանդիպում:
Մեր հարցին, թե ինչո՞ւ են հատկապես ընտրել այս դպրոցի բակը, ըստ գովազդի բաժնի պետի, ընտրությունը կատարել է «Կոկա-Կոլա» ընկերությունը: Այլապես, ըստ Հարություն Թադևոսյանի, Գյումրու քաղաքապետը պատրաստ էր ներդրման համար այլ տարածք տրամադրելու:
Գյումրու քաղաքապետարանի քաղաքաշինության և ճարտարապետության բաժնի պետի ժամանակավոր պաշտոնակատար Արթուր Հակոբյանն էլ պարզաբանեց, որ հողը համայնքապատկան է, այս առումով դպրոցի տնօրինությունը առարկություններ չի կարող ներկայացնել: «Կոկա-կոլա» ընկերությունը պատրաստվում է կառուցապատել տարածքը, մարզական գույք տեղադրել, որպեսզի թաղի ողջ բնակչությունը օգտվի դրանից: Քաղաքապետարանի այս պաշտոնյայի ասելով, իրենց ու դպրոցի տնօրինության միջև վիճաբանություն չկա, պարզապես տնօրենի միակ առարկությունն այն է, որ շինհրապարակը կխոչընդոտի երեխաների պարապմունքները: Սակայն Արթուր Հակոբյանը հավաստիացնում է, որ իրենք ոչ մի խոչընդոտ չեն ստեղծի աշակերտների դասապրոցեսի համար:
Կարդացեք նաև
Մանրամասները տեսանյութում:
Դպրոցի տնօրենից այսօր պարզաբանում ստանալ չհաջողվեց, դպրոցի պահակը փոխանցեց, որ նա տեղում չէ, դուրս է եկել, նրանից կփորձենք մեկնաբանություն ստանալ ավելի ուշ:
Նունե ԱՐԵՎՇԱՏՅԱՆ
