Այսօր ԱԺ աշնանային նստաշրջանի առաջին օրն էր: Նիստը սկսելուն պես՝ հարց տալու իր իրավունքից փորձեց օգտվել «Ժառանգության» պատգամավոր Զարուհի Փոստանջյանը: Բայց նրա կոճակը չէր աշխատում: ԱԺ փոխխոսնակ Էդուարդ Շարմազանովը կատակեց. «Որ երկար բացակայում են՝ սարքն էլ է փչանում»:
Զարուհի Փոստանջյանն էլ, դիմելով ՀՀԿ-ականներին եւ մասնավորապես ԱԺ նախագահ Գալուստ Սահակյանին, ասաց. «Իհարկե, ես բացակայել եմ, բայց իմ բացակայության այս ընթացքում գրեթե ոչինչ չի փոխվել: Այս պահին թեպետ մեծամասնություն եք դուք կազմում ԱԺ-ում, բայց խոցելի մեծամասնություն եք: Ցանկանում եմ իմանալ՝ որպես ՀՀԿ անդամ, ե՞րբ եք օրակարգից դուրս մղելու հայ-թուրքական խայտառակ արձանագրությունները, եւ ի՞նչ ջանքեր եք գործադրելու, որպեսզի այն երբեք չընդգրկվի ԱԺ օրակարգ»:
Գալուստ Սահակյանը պատասխանեց. «Խոցելի փոքրամասնությանն ասեմ, որ հարցը համարում եմ հռետորական, որովհետեւ բազմիցս պատասխաններ տրվել են: Իսկ եթե իմ անձնական կարծիքն եք ուզում իմանալ, այս պահին նպատակահարմար չէ»:
Էդուարդ Շարմազանովն էլ հորդորեց՝ տիկին Փոստանջյանի կոճակը սարքեք:
Կարդացեք նաև
Հռիփսիմե ՋԵԲԵՋՅԱՆ
ՀՀԿ-ականները ուրիշ ճար չգտնելով՝ ոխը հանում էն Զ.Փոստանջյանին հատկացված կոճակից,դա նրանց շարքերի ողբալի վիճակի մասին է խոսում ։