Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում, այսօր դատավոր Լեւոն Ավետիսյանին «Արաբկիր» բժշկական կենտրոնի մանկաբույժների գործով պաշտպան Գովի Հովհաննիսյանը տեղեկացրեց, որ ամբաստանյալ Զարինե Այվազյանի պաշտպան Երեմ Սարգսյանը Արցախում է:
Մանկաբույժի գործընկերը, փաստաբան Գովի Հովհաննիսյանն ասաց, որ միջնորդում է՝ հետաձգել նիստը, մինչ իր գործընկերը կներկայանա: Զարինե Այվազյանն էլ չցանկացավ առանց իր պաշտպանի վերսկսել դատական նիստը: Դատարան էր ներկայացել նաեւ փորձագետ Սեյրան Հովհաննիսյանը: Նիստը հետաձգվեց մինչեւ ժամը 14-ը:
Ռ.ՄԻՆԱՍՅԱՆ
