Հայաստանում այլընտրանքային զինվորական ծառայության ստեղծումը էական ձեռք բերում է՝ հատկապես հաշվի առնելով, որ Հայաստանը Ադրբեջանի հետ դե ֆակտո պատերազմի մեջ է, ասված է Եվրոպայի խորհրդի անդամ պետությունների կողմից պարտականությունների և պարտավորությունների կատարման հարցերով հանձնաժողովի զեկույցում:
«Այլընտրանքային ծառայության պետական հանձնաժողովի հետ հանդիպման ժամանակ պարզ դարձավ, որ մտավախություններն այն մասին, որ այլընտրանքային ծառայության կդիմեն այն մարդիկ, որոնք փորձում են խուսափել ծառայությունից, անհիմն են եղել», – ասված է զեկույցում՝ նշելով, որ ամեն զորակոչին 20-30 հոգի կդիմի այլընտրանքային ծառայության՝ հիմնականում կրոնական հայացքներից ելնելով:
Յոթ կետից բաղկացած զեկույցում անդրադարձ է եղել նաև սահմանադրական բարեփոխումներին, մասնավորապես ԵԽ-ի հանձնաժողովը նշել է, որ իրենց համար կարևոր է տեսնել, թե ինչպես են սահմանադրական բարեփոխումները ամրապնդում դատական իշխանության անաչառությունն ու անկախությունը, որն, ըստ նրանց, Հայաստանի ժողովրդավարացման հարցում հիմնական խոչընդոտն է: Պատրաստեց Հովհաննես ԻՇԽԱՆՅԱՆԸ
