«Եթե ընտանիքի պաշտպանվածության թեման երկրի վարչապետն է բարձրացնում, դա փայլուն է: Ես` որպես հոգեբան, գտնում եմ, որ սոցիալական գործոնը չէ ամուսնալուծությունների պատճառը, հազար ու մի տեսակ գործոններ կան մինչ սրան հասնելը: Այնպես որ ուսումնասիրել ու ճիշտ գաղափար կազմել է պետք:
Ես վարչապետին այս դեպքում չէ ծաղրի, մոռանում ենք, որ մենք վերացող ազգերի թվում ենք…»- Aravot.am-ի հետ զրույցում ասաց հոգեբանական գիտությունների թեկնածու Աշոտ Հակոբյանը:
Հիշեցնենք, որ երեկ կառավարության հերթական նիստում ամուսնալուծությունների վկայականների համար լրացուցիչ ֆինանսավորում հատկացնելու հարցի քննարկման ժամանակ վարչապետ Հովիկ Աբրահամյանը աշխատանքի և սոցիալական հարցերի նախարար Արտեմ Ասատրյանին հանձնարարել էր ուսումնասիրել ու պարզել, թե ինչու է ավելացել ամուսնալուծությունների թիվը: Վարչապետի այս հանձնարական էլ թեժ քննարկման թեմա էր դարձել սոցիալական ցանցերում, շատերը անգամ ծաղրի էին ենթարկել նրան:
Մանրամասները` վաղվա «Առավոտ» օրաթերթում:
Կարդացեք նաև
Նունե ԱՐԵՎՇԱՏՅԱՆ
