Այսօր սեփական դիմումի համաձայն աշխատանքից ազատվել է Գյումրու քաղաքապետ Սամվել Բալասանյանի մամլո խոսնակ Զոհրապ Եգանյանը, որը նրա հետ աշխատում էր դեռևս ԱԺ-ում պատգամավոր ու փոխնախագահ եղած տարիներից: Թե ո՞րն է Զոհրապ Եգանյանի Գյումրիից հեռանալու պատճառը, վերջինս նշում է, որ զուտ անձնական է: Եվ կայացրած որոշումը նախապես քննարկել է քաղաքապետի հետ:
Մեզ հետ զրույցում Զոհրապ Եգանյանն ասաց, որ դեռ նոր աշխատանքի չի տեղավորվել, ընթացքում կգտնի: Նա մեկ անգամ ևս հավաստիացրեց, որ Գյումրու քաղաքապետի ու նրա թիմի հետ որևէ խնդիր չունի: Ընդհակառակը անչափ շնորհակալ է, գոհ, որ աշխատեց Գյումրիի նման քաղաքում և պատրաստ է հետագայում ևս օգնելու:
Նշենք, որ Զոհրապ Եգանյանը Գյումրու քաղաքապետարանի այն եզակի կադրն էր, որը մեծ դերակատարություն ունեցավ Սամվել Բալասանյանի վարկանիշի բարձրացման հարցում: Նա իր կապերի ու լրագրողների հետ քաղաքակիրթ, բարձր մակարդակով աշխատելու շնորհիվ կարողացավ գրագետ ձևով իրականացնել քաղաքապետարանի PR-ը:
Մի խոսքով, նա այն կադրն էր, որի դիմումը ստորագրելուց առաջ Գյումրու քաղաքապետը ճիշտ կաներ երկար խորհեր, հատկապես որ Սամվել Բալասանյանի թիմը աչքի չի ընկնում շրջապատում մեծ հեղինակություն վայելող կադրերով: Քաղաքապետը իր շուրջբոլորը հավաքում է այնպիսի մարդկանց, որոնք արդեն թոշակառու են, և մեծ մասը համակարգից հեռացված մարդիկ են` դատախազ, ոստիկանապետ…
Կարդացեք նաև
Նա աշխատանքի է հրավիրել նաև այնպիսի կադրերի, որոնց պահելը թեև մեծ ծախսեր է պահանջում, քանի որ վերջիններս Երևանից են գնում ու գալիս, բայց նրանց տված օգուտը քաղաք այդպես էլ չի տեսնում…
Նունե ԱՐԵՎՇԱՏՅԱՆ
Ինչու Գյումրու քաղաքապետարանը և քաղաքապետը հեղինակություն ունեին, որ մի հատ էլ բարձրացներ?ամեն մարդ թող իր հեղինակության մասին մտածի
Ինչպիսի կորուստ Հայոց աշխարհում. նմանը չի եղել ու չի էլ լինի:
Եգանյանը ընդամենը քաղաքապետի դուրս տված ենհեթեթություններին գեղեցիկ ու գրագետ փափեթավորում է տվել։ Բարի ազատում ցանկանանք Եգանյանին կոնցլագերից․․
եթե իր հրավիրած կադրերն են իրենից հեռանում պատկերացրեք ինչ վիճակ է եդտեղ տիրում
Շատ վատ բան եղավ, շատ էի սիրում այս տղային, միակ մարդն էր որ խոսում էր հաճույքով լսում էի: Ամոթ Բալասանյանին, որ չկարողացավ նման սիրված մարդու պահել իր կողքին
աղջիկ ջան դու քո մասին մտածի,որ երբեք Զոհրապ չես դառնա: