Ոստիկանության պետի տեղակալ Սամվել Հովհաննիսյանը , ՃՈ պետի տեղակալ Արմեն Խաչատրյանը, որը համակարգում է խախտումների արձանագրման կենտրոնը՝ ՀԱԿ-ը, իրավաբանական բաժնի պետ Արման Չիլինգարյանը քիչ առաջ ավարտեցին լրատվամիջոցների հետ հանդիպումը:
Ոստիկանության ԼԾ պատասխանատու Աշոտ Ահարոնյանն իր բացման խոսքում ասաց, որ ոստիկանությունն ամեն շաբաթ այսուհետ նման հանդիպումներ է նախաձեռնելու, անցկացնելու է մոնիթորինգ կապված լրատվամիջոցներում բարձրացված հարցերի հետ:
Մասնավորապես, ՃՈ ոլորտին առնչվող հարցերի շուրջ նախատեսվելու են հանդիպումներ:
Ըստ այսօրվա բանախոսների՝ բարձրացված հարցերի գերակշիռ մասն առնչվում է տեխնիկական սարքերին՝ արագաչափերին:
Արմեն Խաչատրյանը, որը ներկայացրեց վիճակագրությունը, ասաց, որ տեխնիկական միջոցների տեղադրումից հետո նվազել են ՃՏՊ-ները՝ ճանապարհատրանսպորտային պատահարները: ՃՏՊ-ների աճը պայմանավորված է մեքենաների աճով: Ամեն տարի հանրապետություն է բերվում երեսուն հազար մեքենա:
Երբ գործի դրվեցին արագաչափերը եւ տեսանկարահանող սարքերը, ըստ Ա.Խաչատրյանի, ՃՏՊ զոհերի թիվն էականորեն նվազեց:
Կարդացեք նաև
ՃՈ պատասխանատուները փորձում էին փաստել, որ տեսանկարահանող սարքերը տվել են արդյունք, կոպիտ խախտումները եւ ծանր հետեւանքով պատահարների թիվը նվազել են:
Ռուզան ՄԻՆԱՍՅԱՆ
