Կառավարության այսօրվա նիստում որոշում կայացվեց Սյունիքի մարզպետ Վահե Հակոբյանին ազատել զբաղեցրած պաշտոնից:
«Ղեկավարվելով Հայաստանի Հանրապետության Սահմանադրության 88.1-ին հոդվածով և հիմք ընդունելով Հայաստանի Հանրապետության Նախագահի 1997 թվականի մայիսի 6-ի ՆՀ-728 հրամանագրի 1.7-րդ կետը` Հայաստանի Հանրապետության կառավարությունը որոշում է. Վահե Հակոբյանին ազատել Հայաստանի Հանրապետության Սյունիքի մարզպետի պաշտոնից՝ իր դիմումի համաձայն», – նշված է կառավարության որոշման մեջ:
«Վահե Հակոբյանին այսօր նշանակելու ենք Ջրային տնտեսության պետական կոմիտեի նախագահ»,- ասաց վարչապետ Հովիկ Աբրահամյանը:
Ջրային պետական կոմիտեի նախկին նախագահը Անդրանիկ Անդրեասյանն էր, որը վերջերս ազատվել էր աշխատանքից:
Սրանք միայն պաշտոններ բաժանելով և վաճառելով են զբաղված ….ի~ինչ աշխատանք, ի~ինչ ժողովուրդ, ի~ինչ օրենք…
Երկիրն են իջեցրել իրենց մակարդակին, քանզի իրենք ընդունակ չեն բարձրանալու պետության և օրենքի մակարդակին….
Սյունիքի (և մյուս մարզերի) մարզպետը, մարզպետարանի բոլոր բաժինների ղեկավար աշխատողները, ինչպես նաև մարզի իրավապահ և դատական համակարգի բոլոր մարմինների ղեկավար աշխատողները ժողովրդի կողմից ՉԵՆ ընտրվում: ՉԿԱՆ նաև ժողովրդի կողմից ընտրված մարզային այլ մարմիններ (օրինակ՝ «Մարզային ժողով»), որը, գոնե փոքրիշատե կհսկի չընտրված մարզպետին և/կամ չընտրված դատաիրավական մարզային մարմիններին:
Այսինքն՝ ժողովրդի մանդատ ՉՈՒՆԵՑՈՂ մարդիկ, ժողովրդի անունից, որոշումներ են կայացնում,որը հաճախ երկարաժամկետ ու բավականին լուրջ հետևանքներ է ունենում ձայնից զրկված նույն ժողովրդի համար: Ուստի՝ իրականում՝ Սյունիքում (և մյուս մարզերում) չկա դեմոկրատիայի կենսական հիմք հանդիսացող trias politica. այսինքն՝ իրար հսկող մարզի կառավարման ավտոնոմ/ինքնավար 3 ճյուղերի (գործադիր,օրենսդիր և դատական) փոխվերահսկողություն: Վերոհիշյալից հանգում ենք պարզ եզրակացության՝ Սյունիքի ներկա կառավարման սիստեմը անդեմոկրատական է ու հակաժողովրդական:
Ինչ վերաբերում է Վահե Հակոբյանին. ես իրեն նախկինում քննադատել եմ և դա արդար էր: Բայց, եթե անկեղծ լինեմ, պիտի ասեմ,որ վերջին շրջանում նա,որպես Սյունիքի մարզպետ, սկսել էր որոշակի աշխատել:
Սա (ներ)կլանային պայքար է Սյունիքում. երևի արդեն պարզ է,թե ում միջև: Իսկ այս (ներ)կլանային «ռազբորկաները» վերջանալու է ՄԻԱՅՆ այն դեպքում երբ՝ ա) լինի ժողովրդի՛ կողմից ընտրված մարզպետ և/կամ «Մարզային Ժողով», բ) հնարավոր լինի ստեղծել բացառապես տեղական անկա՛խ կուսակցություններ: