Հատված ջրային տնտեսության պետական կոմիտեի նախկին նախագահ Անդրանիկ Անդրեասյանի հարցազրույցից, որը 2 օր առաջ ազատվել էր զբաղեցրած պաշտոնից։ Անդրեասյանի հեռացման մի քանի պատճառներ էին մամուլում շրջանառվում։ Մեկը, օրինակ, այն էր, որ վարչապետ Հովիկ Աբրահամյանը փորձում է կառավարությունը մաքրել տիգրանսարգսյանական կադրերից։
– Պարոն Անդրեասյան, ինչո՞ւ որոշեցիք դիմում գրել ու հեռանալ։ Տիգրան Սարգսյանի կադրը լինելու համա՞ր հեռացաք։
– Վա՛յ, վայ, վայ (ծիծաղում է), ես 10 տարուց ավելի աշխատում էի այդ պաշտոնում ու դժվար թե ինչ-որ մեկի կադրը լինեմ։
– Այդ դեպքում ինչո՞ւ հեռացաք։
Կարդացեք նաև
– Ես երկար եմ աշխատել ու հիմա հոգնած եմ, առողջությունս էլ արդեն այն չէ, տարիքով մեծ եմ՝ 53 տարեկան, որը այս պաշտոնի համար արդեն հարմար չէ։
– Ձեզանից ավելի տարիքով՝ 56 տարեկան է նաեւ վարչապետ Հովիկ
Աբրահամյանը, այսինքն նա է՞լ պետք է հրաժարական տա ու էլ չաշխատի։
– Գիտե՞ք, իմ տեղը հիմա հարմար չէ խոսելու համար։ Ես իմ հեռանալու
պատճառների մասին ասացի՝ ես զգում էի հոգնածություն։
– Եթե դուք 53 տարեկան եք ու հոգնում եք, կառավարության մյուս անդամները, որոնք 53-ից բարձր են, ինչու՞ հրաժարական չեն տալիս։
– Ե՞ս պետք է պատասխանեմ այդ հարցին։ Իրենց հարցրեք։
Հարցազրույցն ամբողջությամբ կարող եք կարդալ «Հայկական ժամանակ» թերթի այսօրվա համարում
