Թուրքիայի նորանշանակ վարչապետ Ահմեդ Դավութօղլուն հայտնել է, որ իրենց առաջնահերթ խնդիրներից է Ղարաբաղն Ադրբեջանի կազմի մեջ մտցնելը, գրում է «1նյուզ.ազ»-ը՝ հղում անելով թուրքական լրատվամիջոցներին:
«Թուրքիան կշարունակի ջանք գործադրել, որպեսզի Հարավային Կովկասի հակամարտությունները խաղաղ լուծում ստանան, ազատվեն Ադրբեջանի գրավյալ տարածքները և Ադրբեջանի ու Հայաստանի միջև լարվածությունը նվազի», – ասել է Դավութօղլուն խորհրդարանում ունեցած ելույթի ժամանակ:
Նա նշել է, որ Անկարան հույս ունի կարգավորել Հայաստանի հետ հարաբերությունները և կշարունակի քայլեր ձեռնարկել այդ ուղղությամբ, սակայն ավելացրել, որ Հայաստանը չպետք է պատմական իրողությունների գերին մնա:
Պատրաստեց Հովհաննես ԻՇԽԱՆՅԱՆԸ
