«Այդ ճանաչումը իրավական նշանակություն չի կարող ունենալ»,- այսօր՝ սեպտեմբերի 2-ին, «Պոստ սկրիպտում» մամլո ակումբում լրագրողների հետ հանդիպման ընթացքում հայտարարեց քաղաքագետ, «Կովկաս» ինստիտուտի տնօրեն Ալեքսանդր Իսկանդարյանը:
Հիշեցնենք` օգոստոսի 28-ին ԱՄՆ-ի Կալիֆորնիա նահանգի սենատը ձայների մեծամասնությամբ ընդունել է Լեռնային Ղարաբաղի Հանրապետության անկախության ճանաչման AJR 32 բանաձեւը:
Նա համարում է, որ ճանաչումն ունի հոգեբանական բնույթ`դա ցուցանիշներից մեկն է, որ կալիֆորնիաբնակ հայերի կատարած լոբբին արդյունավետ է: Ըստ նրա` կատարվածն ունի նաեւ քաղաքական բնույթ, քանի որ Ամերիկայի միացյալ նահանգներում Կալիֆորնիան հայկական ամենամեծ համայնքն ունի.
«Կալիֆորնիան Միացյալ Նահանգների ամենաազատական նահանգներից մեկն է, այնտեղ մեծ քանակությամբ ազգային փոքրամասնություններ կան, այսինքն` Կալիֆորնիան ինչ-որ դեր է խաղում Միացյալ Նահանգներում, եւ այն, ինչ-որ այնտեղ է կատարվել ունի որոշ հոգեբանական եւ մասամբ քաղաքական նշանակություն: Բայց դա չափազանցնել պետք չէ, քանի որ դա, իհարկե’, չի համարվում մեկ այլ պետության կողմից Լեռնային Ղարաբաղի Հանրապետության ճանաչում: Եթե 4-ի փոխարեն 44- նահանգները ճանաչեն Լեռնային Ղարաբաղը, իրավականորեն ոչինչ չի փոխվի»:
Կարդացեք նաև
Ամի ՉԻՉԱԿՅԱՆ
