Օգոստոսի 28-ի համարում «Ժողովուրդ»-ը գրել էր, որ Սեւան քաղաքի Նաիրյան 151 հասցեում գրասենյակ կառուցելու խնդրի շուրջ ծեծի է ենթարկվել «Հզոր ապագա» կուսակցության ղեկավար Արկադի Կիրակոսյանը։
Կուսակցության առաջնորդն ասել էր, որ Սեւանի քաղաքապետ Ռուդիկ Ղուկասյանն իրենց թույլատրել է նշված հասցեում գրասենյակ կառուցել, սակայն Ծովագյուղից 4-5 տղաներ արգելել են շինարարությունը եւ ծեծի ենթարկել իրեն։
«Ժողովուրդ»-ին Սեւանի քաղաքապետ Ռուդիկ Ղուկասյանը նախօրեին պաշտոնապես հայտնեց. «Նաիրյան 151 շենքից արեւելք ընկած հատվածից 67.95 քմ մակերեսով հողատարածքի վրա խանութ կառուցելու համար Սեւանի քաղաքապետի կողմից 2008թ. մայիսի 19-ին տրվել է որոշում Չարենցի փողոցի թիվ 118 տան բնակչուհի Հասմիկ Անտոնյանին։ Սա նշանակում է, որ կառուցապատողը «Հզոր ապագա» կուսակցության նախագահը չէ եւ նա չի կարող գրասենյակ կառուցել, երբ թույլտվությունը վերաբերում է խանութ կառուցելուն»:
… Այնուամենայնիվ, «Ժողովուրդ»-ը զրուցեց Արկադի Կիրակոսյանի հետ՝ պարզելու, թե ով է Հասմիկ Անտոնյանը եւ ինչու անձամբ չի ներկայացել քաղաքապետարան՝ ինչպես պահանջում է օրենքը։ Պարզվեց՝ Անտոնյանի որդին Արկադիի ընկերն է։ «Այս գործի մի մասը գտնվում է ոստիկանությունում, իսկ ահա շինարարության կասեցման հարցով մենք գնում ենք դատարան եւ դատարանով ամեն ինչ կպարզաբանենք»,-հայտարարեց ՀԱԿ նախագահը։
Քնար ՄԱՆՈՒԿՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
