«Զվարթնոց» օդանավակայանում պատանի օլիմպիականներին դիմավորելու ժամանակ, պատասխանելով լրագրողների հարցին, թե Նանկինի արդյունքները Ռիո-2016-ում կրկնվելու դեպքում կգոհացնե՞ն, ՀԱՕԿ-ի նախագահ Գագիկ Ծառուկյանը պատասխանեց. «Իհարկե: Տարին՝ տարվա վրա առաջ ենք գնում: Հիմքը դրված է, ու հաղթանակներն արդեն անվերջ են լինելու: Միայն պիտի շարունակենք ուշադրություն դարձնել, պայմաններ ստեղծել: Հիմա ես իմ անձնական գումարների հաշվին մարզադպրոցներ եմ կառուցում: Պետք է էլի կառուցենք: Բոլոր գյուղերում պետք է դպրոցներ լինեն, որ բոլոր երեխաները կարողանան մարզվել, որ ընտրությունը մեծ լինի»:
Աշոտ ՀԱԿՈԲՅԱՆ
