«Ցեղակրոն» կուսակցության նախագահ Շանթ Հարությունյանն այսօր դատարանում դավաճանական քայլ որակեց Թուրքիայի նախագահի երդմնակալության արարողությանը արտաքին գործերի նախարար Էդվարդ Նալբանդյանի մասնակցությունը:
«Այն դեպքում, երբ ԱՄՆ-ն ներկայացել էր դեսպանի ժամանակավոր պաշտոնակատարի մակարդակով: Երբ ամերիկացիները աղմուկ հանեցին, Օբաման վերահաստատեց, եթե դեսպան լիներ, դեսպանը կգնար, այդկերպ ընդգծելով, որ ներկայացուցչի կարգավիճակը չէր փոխվելու»,- ասաց Շանթ Հարությունյանը:
Ըստ նրա, արտգործնախարարի մասնակցությունը ցույց է տալիս, որ Սերժ Սարգսյանը, Էդվարդ Նալբանդյանը ռուս -թուրքական հատուկ ծառայությունների կամակատարներ են, չունեն արժանապատվության տարրական զգացում. «Առաջարկում եմ էդվարդ Նալբանդյանի անունը փոխել՝ դնել Ասքանազ Մռավյան, նա խորհրդային բոլշեւիկ էր՝ ստրկատիրական հանրապետության արտաքին գործերի նախարար: Սերժ Սարգսյանի անունն էլ կարելի է Մյասնիկյան դնել»:
Հետո ասաց, որ Հայաստանը միշտ Ռուսաստանի կամքն է կատարում: Ըստ նրա. «Եթե ու Հայաստանն ու Թուրքիան լինեին թշնամի, ապա Հայաստանը այնպես կպատժվեր այդ բարձր կարգավիճակով ներկայանալու համար: Երդմնակալության ժամանակ Էրդողանը ստանձնում է պատասխանատվությունը եւ հայտարարում է, որ երաշխավոր է Թուրքիայի տարածքային ամբողջականության համար, այսինքն, Նալբանդյանը ճանաչում է Թուրքիայի տարածքային ամբողջականությունը: Ռուսաստանը նշանակել է Սերժ Սարգսյանին, որ ցանկացած ժամի, ասի վազելով գնա, Հայաստանին դնում է Թուրքիայի ցանկությունների տակ: Ռուսական KGB-ի գործակալներ են բոլոր նրանք, որոնք կփորձեն այլ անվանում տալ»:
Կարդացեք նաև
Արփինե ՍԻՄՈՆՅԱՆ
