Այսօր կառավարության նիստին ֆինանսների փոխնախարար Պավել Սաֆարյանը առաջարկեց «Արմավիա» ընկերության եւ «Միկա քորփորեյշն» ՓԲԸ-ի՝ պետբյուջեի նկատմամբ ունեցած պարտքի դիմաց «Միկա»-ին պատկանող Մանանդյան 41 հասցեում գտնվող անշարժ գույքը փոխանցել ֆինանսների նախարարության հաշվեկշռին:
Ինչպես ներկայացրեց Պ. Սաֆարյանը, «Միկա քորփորեյշընի» աճուրդի հանված անշարժ գույքը չի վաճառվել, ուստի փոխնախարարը առաջարկեց ընդունել հարկադիր կատարողի առաջարկը՝ 9 մլրդ դրամից ավելի գնահատված գույքը փոխանցել ֆիննախին:
Նիստին ՀՀ վարչապետ Հովիկ Աբրահամյանը առաջարկեց հարցը մի երկու օր քննարկել, հետո նոր որոշում կայացնել: Վարչապետն առաջարկեց մի քանի օր քննարկել, որպեսզի պետությունը չտուժվի:
Կառավարության աշխատակազմի ղեկավար Դավիթ Հարությունյանն էլ առաջարկեց «ոտները կախ գցեն». հնարավոր է աճուրդի հանված «Միկայի» գույքի գինը իջնի:
Կարդացեք նաև
Նելլի ԲԱԲԱՅԱՆ
