Փաստաբան Արա Զաքարյանը Շանթ Հարությունյանի գործով ամբաստանյալներ Արմեն Հովհաննիսյանի եւ Տիգրան Պետրոսյանի գործով դիմելու է մարդու իրավունքների եվրոպական դատարան:
Այսօր այս մասին նա ասաց իր երկու պաշտպանյալների խափանման միջոց կալանքը փոխելու վերաբերյալ միջնորդությունների մերժումից հետո:
Նրա խոսքով. «Մեզ համար մերժումը կանխատեսելի էր, որովհետեւ մեր դատարանները, հատկապես կալանքի դեպքերում ունակ չեն կայացնելու արդար որոշումներ: Կալանքի հետ կապված հարցերում դատարանները կուրորեն կատարում են այն, ինչ մեղադրող կողմն է ասում: Պարզապես մեզ համար այս միջնորդությունն այն անհրաժեշտ քայլն էր, որ կատարվեց հետագա քայլերի համար, մենք պատրաստվում ենք դիմել եվրոպական դատարան »:
Նրա խոսքով, դատաքննության ընթացքում էլ ակնհայտ դարձավ, որ խուլիգանության արարք չկա այս գործում, ոստիկանների գործողությունները չեն եղել օրինական. «Մեղադրյալներիս գործողություններում ակնհայտորեն բացակայում է խուլիգանության հանցակազմը»:
Կարդացեք նաև
Արփինե ՍԻՄՈՆՅԱՆ
