«Ցեղակրոն» կուսակցության նախագահ Շանթ Հարությունյանի գործով դատական նիստի ժամանակ դատարանը մերժեց ամբաստանյալ Արմեն Հովհաննիսյանի խափանման միջոց կալանքը փոխելու վերաբերյալ փաստաբան Արա Զաքարյանի միջնորդությունը:
Պարոն Զաքարյանը նույնաբովանդակ միջնորդություն ներկայացրեց իր մեկ այլ պաշտպանյալի՝ Տիգրան Պետրոսյանի վերաբերյալ՝ պնդելով, որ այս դեպքում էլ դատաքննության ժամանակ չի հաստատվել մեղադրանքը եւ իր պաշտպանյալն առնչություն չունի մեղադրանքի հետ: Ըստ փաստաբանի, Տիգրան Պետրոսյանը միայն հրել է ոստիկան Արա Մարտիրոսյանին:
Պարոն Զաքարյանն ասաց, որ Տիգրանի հարազատները կարող են վճարել 2,5 մլն դրամ որպես գրավ ազատ արձակելու համար:
Շանթ Հարությունյանի փաստաբան Ինեսա Պետրոսյանն էլ միացավ գործընկերոջ միջնորդությանը եւ ասաց. «Մենք գործ ունենք քաղաքական պատվերի հետ, իսկ խափանման միջոցները այս դեպքում ամենածանրն են ընտրվել բոլոր ամբաստանյալների նկատմամբ: Ըստ էությամբ ամեն ինչ ավարտվել է բոլորը ցուցմունքները տվել են, այստեղ պատվեր է իրականացվում, որովհետև գոնե ոմանց մասով պետք է այլ վերաբերմունք լիներ»:
Կարդացեք նաև
Դատախազ Գեւորգյանը առարկեց միջնորդությունը: Դատարանը կրկին ընդմիջում հայտարարեց՝ որոշում կայացնելու համար:
Արփինե ՍԻՄՈՆՅԱՆ
