Ամբաստանյալ Արթուր Անդրեասյանի համար արդեն որերորդ անգամ Կենտրոն եւ Նորք-Մարաշ վարչական շրջանների ընդհանուր իրավասության դատարան է հրավիրվում շտապօգնություն եւ ամիսներ շարունակ բժիշկները հորդորում են դատարանին՝ հետաձգել դատական նիստը, թույլ չտալով, որ ամբաստանյալը նման առողջական վիճակով մասնակցի նիստին:
Շտապօգնության բժիշկը հերթական անգամ Արթուր Անդրեասյանին ներարկեց անալգին-դիմեդրոլ եւ իր գործը համարելով ավարտված՝ հեռացավ դատարանից:
Դատական նիստը հետաձգվեց, իսկ Արթուր Անդրեասյանի մայրը լրագրողներին բաժանեց «Նուբարաշեն» ՔԿՀ-ի պետ Ռ. Ստեփանյանի 23.08.2014թ. գրությունը, որը ուղղվել էր փաստաբան Մ. Սարգսյանին: Համաձայն այդ գրության՝ Արթուր Անդրեասյանի կիստաները նախորդ հետազոտության համեմատ մեծացած են եւ նրա մոտ նկատվում է բացասական դինամիկա:
Ի դեպ, մեր ձեռքի տակ է նաեւ Անդրեասյանի էպիկրիզը, համաձայն որի՝ նա ունի գլխուղեղի, շնչառության, ողնաշարի հետ կապված խնդիրներ:
Հիշեցնենք, որ նա մեղադրվում է ոստիկանության բարձրաստիճան աշխատակիցների գումարները տարադրամի փոխանակման կետերում շրջանառության մեջ դնելու եւ հափշտակելու համար:
Կարդացեք նաև
Ռուզան ՄԻՆԱՍՅԱՆ
