Ղրիմի բռնակցման դեմ հանդես եկած տարբեր ոլորտների անվանի գործիչների թվում է հայտնի երգիչ, կոմպոզիտոր Անդրեյ Մակարեւիչը, որը բառացիորեն հալածանքների ենթարկվելուց հետո տեղափոխվել է Նոր Զելանդիա: Նա մեղադրվում է ընդհուպ պետական դավաճանության մեջ, ՌԴ Պետդուման էլ մտադիր է արվեստագետին զրկել պետական պարգեւներից:
Երգիչ, երգահան Վահան Արծրունու ձեւակերպմամբ, իրավիճակը բավականին տիպական է Ռուսաստանի նման կայսրության համար: «Ռուսները հեշտ չեն ընդունում անկախ կարծիք, որը մեծամասնության կարծիքից տարբերվում է, առավելապես չեն ներում հստակ բարոյական դիրքորոշումը: Իմիջիայլոց, Մակարեւիչը միակ օրինակը չէ, հսկայական թվով մարդկանց ցուցակ են հրապարակել, որոնց, ինչպես 37 թվականին, անվանում են ազգի դավաճաններ:
Ինչպես արդեն նշեցի, իրավիճակը ռուսական նոր կայսրության համար տիպական է, այն բավականին բաներ է որդեգրել ցարական Ռուսաստանից: Ռուս ժողովուրդը բավականին բեւեռացված է՝ մտավորականությունը մի տեղ է, ազնիվ մտավորականությունը՝ լրիվ այլ տեղ, նրանք նաեւ ունեն, այսպես ասած, ազգայնական մտավորականություն:
Նույնիսկ այն հանգամանքը, որ Մակարեւիչը պետական պարգեւներ ունի, Ռուսաստանի Դաշնության ժողովրդական արտիստ է, որեւէ դեր չի խաղում, եթե մարդը իր տեսանկյունն ունի, որը իր ժողովրդի համար աններելի է: Նույն Չերնիշեւսկու կամ Դոստոեւսկու նկատմամբ էլ ժամանակին այդպիսին է եղել վերաբերմունքը: Մի խոսքով, ռուս ժողովուրդը անհաղորդ է կարգին բաների նկատմամբ»,-կարծում է արվեստագետը:
Կարդացեք նաև
Գոհար ՀԱԿՈԲՅԱՆ
