Դոնեցկի և Լուգանսկի մարզերի ոստիկանությունից 2717 աշխատակից է հեռացվել, և գործընթացը շարունակվելու է, հայտնել է Ուկրաինայի ներքին գործերի նախարարի խորհրդական Անտոն Գերաշչենկոն: Փոխանցում է ուկրաինական «Ինտերֆաքս»-ը:
«Ընդհանուր առմամբ ոստիկանության շարքերից մաքրվել է 2717 հոգի: Սա դեռ վերջը չէ, սա դեռ սկիզբն է», – оգոստոսի 20-ին ճեպազրույցի ժամանակ ասել է Գերաշչենկոն:
Խորհրդականը նշել է, որ արևելյան այդ երկու մարզերում 1490 ոստիկան չէին կատարում հրամանները և «չէին դիմադրում ահաբեկչությանը»: Իսկ 1227 ոստիկան իրենց կամքով են հեռացել աշխատանքից: Երկու մարզերում ընդհանուր առմամբ առկա է 23 026 ոստիկան:
Բացի այդ, Լուգանսկի և Դոնեցկի մարզերում ոստիկանության աշխատակիցների նկատմամբ 40 քրեական գործ է հարուցվել:
Կարդացեք նաև
Պատրաստեց Հովհաննես ԻՇԽԱՆՅԱՆԸ
