Վրաստանի նախկին նախագահ Միխեիլ Սահակաշվիլի ունեցվածքը հնարավոր է առգրավվի, հայտնել է Թբիլիսիի քաղաքապետ Դավիդ Նարամնիան, փոխանցում է «Գռուզիա-Օնլայն»-ը:
«Մեխանիզմները, որոնք նախատեսված են դատավարության օրենսգրքով, պետք է պահպանվեն», – ասել է Նարամնիան՝ մեկնաբանելով Սահակաշվիլի ունեցվածքն առգրավելու հնարավորության հարցը: Վրաստանի նախկին նախագահը մեղադրվում է պետական բյուջեի միջոցները առանձնապես խոշոր չափերի յուրացման մեջ:
«Իրավապահները պարտավոր են հետևողականորեն կատարել դատավարության օրենսգրքի պահանջները: Ելնելով դրանից՝ նրանց բոլոր ձեռնարկած քայլերն օրինական են», – ասել է Նարամնիան:
Սահակաշվիլիի ունեցվածքը առգրավելու դատախազության մտադրության մասին այսօր հայտնել է նաև «Ազգային շարժում» կուսակցության պատգամավոր Դավիդ Դարչիաշվիլին:
Կարդացեք նաև
Պատրաստեց Հովհաննես ԻՇԽԱՆՅԱՆԸ
