«Հակառակորդը մեզնից ընդամենը 700 մետրի վրա է: Զգույշ, շատ չմոտենաք դիտակետին»,- զգուշացնում է Մարտակերտի դիրքերում հերթապահության կանգնած զինվորը: Նա երկու ժամ շարունակ ակնդետ հետեւում է թշնամու դիրքերին, երկու ժամից նրան կփոխարինի ընկերը:
Հենց այս դիրքում էր հունվարին հակառակորդի դիվերսիոն հարձակման զոհ դարձել մեր օրերի հերոս Արմեն Հովհաննիսյանը: Այսօր նրա պատվին դիրքում մի գողտրիկ հուշաքար են դրել:
Կարդացեք նաև
Զինվորները կատակում են, մեզ՝ «Հետք»-ի եւ ԼՂՀ ՊՆ-ի համատեղ ուժերով լրագրողական այցով Լեռնային Ղարաբաղ՝ սահման մեկնած լրագրողներիս, սուրճ եւ քաղցրավենիք մատուցում: Անգամ արեւային ինքնաշեն ցնցուղն են ցույց տալիս՝ «ամեն օր 50 աստիճան տաքացած ջուր ունենք, ինչքան ուզում լողանում ենք, կուզեք՝ դուք էլ ցայվեք»:
Սառնարանն են բացում՝ «էս շոգին ուտել չի լինում, էնքան ուտելիք է ավելացել»:
Զորամասից 14 օրը մեկ նոր խումբ է գալիս դիրքեր, 14 օր հերթապահում, ապա հետ վերադառնում զորամաս: «Դիրքերում ավելի լավ է, հանգիստ ենք»,-ասում են զինվորները:
Անմիջապես կողքի դիրքում էլ օրեր առաջ վարչապետ Հովիկ Աբրահամյանն էր եղել: «Էս խաղողի պոչը տեսնում եք՝ ինքն ա կերել»,- դիրքերում աճող խաղողի դատարկ ողկույզը ցույց տալով՝ կատակում են տղաները:
Մելանյա ԲԱՐՍԵՂՅԱՆ
Դիրքապահների հետ զրույցների մանրամասները կարդացեք վաղվա «Առավոտ» թերթում:
