«Նման նախագիծ ստեղծելու հանձնառություն Քաղաքացիական պայմանագիր միավորման ներկայացուցիչները ստանձնել են հուլիսի սկզբին` Այգեպար և Մովսես համայնքներ կատարած այցի ընթացքում: Նախագիծն այսօր է շրջանառության մեջ դրվել, որովհետև այսօր ԱԺ առաջին աշխատանքային օրն էր արձակուրդից հետո»,- Aravot.am-ի հետ զրույցում ասաց ՀԱԿ խմբակցության պատգամավոր Նիկոլ Փաշինյանը:
Հիշեցնենք, պատգամավորն այսօրխորհրդարանում նախագիծ է շրջանառության մեջ դրել՝սահմանամերձ գյուղերին արտոնություններ տալու մասին:
Նման նախաձեռնությամբ հանդես էր եկել նաեւ ՀՀ վարչապետ Հովիկ Աբրահամյանը: Ապա, խորհրդարանական վեց խմբակցությունների ներկայացուցիչները ԱԺ նախագահի գլխավորությամբ այցելեցին Տավուշի մարզի սահմանամերձ գյուղեր: Այցի արդյունքում պարզ դարձավ, որ առաջիկայում խորհրդարանական խմբակցությունների ներկայացուցիչները համատեղ փաթեթ կներկայացնեն կառավարությանը՝ արտոնությունների վերաբերյալ:
Aravot.am-ի հարցին՝ հնարավորություններ տեսնո՞ւմ է բոլորի նախագծի շրջանակներում համատեղ աշխատանքի, Նիկոլ Փաշինյանն ասաց. «Ողջունում եմ ցանկացած նախաձեռնություն, որ պիտի օգնի սահմանամերձ համայնքների ամրապնդմանը»:
Կարդացեք նաև
Նելլի ԳՐԻԳՈՐՅԱՆ
Լուսանկարը՝ Գագիկ Շամշյանի/www.shamshyan.com
