ԱԻՄ առաջնորդ Պարույր Հայրիկյանը դրական է համարում, որ վարչապետի հայտարարությանն արձագանքել են խորհրդարանական խմբակցությունները: Խոսքը սահմանամերձ գյուղերի բնակիչներին հարկային արտոնություններ տրամադրելու մասին է:
Հիշեցնենք, որ Տավուշի մարզի բնակավայրերում ադրբեջանական դիվերսիոն գործողությունների ժամանակ այցելելով սահմանամերձ բնակավայրեր, վարչապետ Հովիկ Աբրահամյանը խոսել էր ոչ միայն տեղացիներին հարկային արտոնություններ տալու, կոմունալ ծախսերի հոգսը թեթեւացնելու մասին, այլ նաեւ գործարարներին հարկային արտոնություններ տրամադրելու մասին, ինչը պետք է խթանի տեղերում բիզնեսի, հետեւաբար նաեւ կյանքի զարգացմանը:
Օրերս, այդ տարածաշրջանի բնակավայրեր էին այցելել նաեւ խորհրդարանական խմբակցությունների ներկայացուցիչները: Արդյունքում՝ վեց խմբակցությունները հարկային արտոնությունների համատեղ փաթեթ կներկայացնեն կառավարությանը :
ԱԻՄ առաջնորդ Պարույր Հայրիկյանը համոզված է՝ հարկային արտոնությունները կշահագրգռեն գործարարներին եւ նրանք կդիմեն ռիսկերի: Aravot.am-ի հարցին՝ արդյոք դա չի դառնա «ճարպիկ տղաների» համար հարմար առիթ եւ բիզնեսը սահմանամերձ շրջաններում գրանցելով ընդամենը կվայելեն հարկային արտոնությունները՝ համապատասխան գործառույթներ չիրականացնելով, Պարույր Հայրիկյանը հակադարձեց. «Ճարպիկ տղաները Երեւանում էլ են կարողանում իրենց հարցերը լուծել»:
Այլ մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
