Գորիսի տարածաշրջանի Խնածախ գյուղի դաշտերում երեկ բռնկված ը լայն ճակատով առաջ շարժվեց: Հաշվված րոպեների ընթացքում այն ընդգրկեց 200 հա -ից ավելի չոր խոտածածկ տարածք: Դեպքի վայր հասած հրշեջները սկսեցին պայքարը հրդեհի դեմն առնելու համար : Սակայն հրդեհը, որ առաջ էր շարժվում 4-5 կմ շառավղով, ավելի մեծ ջանքեր և մարդկային ուժեր էր պահանջում: Ուստի գյուղում մոբիլիզացիա հայտարարվեց: Շուրջ 40 տղամարդ հրշեջների հետ միասին պայքարում էին հրդեհի դեմ` մի քանի ճակատով: Իսկ հրդեհի ճիրանները տարածվում էին ձորերով, բարձրանում սարերը: Հրդեհից երկինքն անգամ պատվել էր սև ծխով:
Հրդեհի դեմ մարդիկ պայքարում էին ով ինչպես, ինչով կարող էր: Մեկը` վերնաշապիկով, մյուսը՝ բաճկոնով, երրորդը` բահով: Միայն հրդեհը չէ, որ մտահոգում է մարդկանց:
Գյուղապետ Կարո Թավադյանն ասում է. «Գյուղի անասունները այլևս չենք կարող դաշտ հանել: Դաշտում ոչինչ չի մնացել, որ անասունները կերակրվեն: Իսկ եթե հիմա անասունները կապենք գոմում, բա ձմռա՞նն ինչենք անելու, քանի որ անասնակերը մինչև ձմեռը կհատի»:
Կարդացեք նաև
Խնածախցի Արտակ Զախարյանը մտավախություն ունի. «Կրակը ներքևից շարժվում է դեպի գյուղ: Գյուղովի չպիտի քննենք այս գիշեր: Որպեսզի հարկ եղած դեպքում կարողանանք հանգցնել կրակը: Հակառակ դեպքում թե գյուղի տները, թե խոտի դեզերը կրակի երախում կհայտնվեն»:
Ցերեկվա ժամը 14.00-ին սկսված հրդեհը ժամը 20.30-ի դրությամբ դեռ մի քանի հանդամասերում շարունակվում էր:
Ալվարդ ՄԵՍՐՈՊՅԱՆ
Գորիս
