Իշխանության շարքերում շատերն են ոգեւորվել Ռուսաստան-Արեւմուտք փոխադարձ տնտեսական պատժամիջոցներից՝ վստահ լինելով, որ Հայաստանի տնտեսության վրա այն շոշափելի ազդեցություն կունենա։ Սակայն ՀՀԿ-ական պատգամավոր՝ ՄԱՊ գործարանի սեփականատեր Ալիկ Պետրոսյանն առանձնապես ոգեւորված չէ այդ հնարավորությունից, քանի որ կարծում է, որ այս պահին Հայաստանը չունի այնքան գյուղմթերք, որպեսզի արտահանելով՝ շոշափելի արդյունք ունենա։
«Պարզ է, որ շատ լավ շուկա է բացվել, բայց, դե, շուկայում տեղ գրավելու համար ապրանք, չէ՞, պետք է ունենաս, իսկ այդ ապրանքն այնպես չէ, որ այսօր կուզենաս եւ վաղը կունենաս, հիմնականում։ Եթե մենք ունենայինք ուժեղ գյուղատնտեսություն, անասնապահություն, հետո նոր դրանք կարտահանեինք։ Ընդունենք՝ շուկան կա, բայց պիտի դրան համարժեք ապրանք ունենաս»,- ասաց ՀՀԿ-ական պատգամավորը՝ վստահեցնելով, որ եղածը փոխադրելու խնդիր չկա։
«Հիմա մենք միրգ ու բանջարեղեն էլ չունենք այնքան, որ չիմանայինք ՀՀ-ում ինչպես սպառենք, ու որ անհրաժեշտ լիներ արտահանել։ Ընդհակառակը՝ մենք խնդիր ունենք, ցրտահարության պատճառով ամեն ինչ թանկ է անցյալ տարվա համեմատ։ Եվ մթերող գործարաններում, եւ շուկաներում թանկ է ամեն ինչ, պատճառն այն է, որ քիչ է ապրանքը, եթե քիչ է, ի՞նչ մեծ ծավալների արտահանման մասին է խոսքը»:
Գայանե ՍԱՐԻԲԵԿՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
