«Իրականությունն այն է, որ բանակցություններում հարցը լուծվեց ոչ թե եռակողմ ձեւաչափով, այլ հարցը մինչեւ այդ էր լուծվել»,- այսօր` օգոստոսի 18-ին, «Զարկերակ» մամլո ակումբում լրագրողների հետ հանդիպման ընթացքում հայտարարեց Ադրբեջանահայերի ասամբլեայի նախագահ, ադրբեջանագետ Գրիգորի Այվազյանը:
Չնայած նրան, որ Ռուսաստանի Դաշնության նախագահ Վլադիմիր Պուտինը տեսախցիկների առջեւ իրեն դիվանագիտորեն է պահել, նա համարում է, որ Ադրբեջանի նախագահ Իլհամ Ալիեւի հետ ծանր զրույց է տարել.
«Մենք բոլորս պետք է տեսնեինք եռակողմ հանդիպման ընթացքում Իլհամ Ալիեւի դեմքի արտահայտությունը. Այն այնպիսին էր, որ ինչպես ժողովուրդն է ասում, «քեֆը կոտրվեց», ինքը արդեն բավականաչափ տխուր աչքերով էր նայում»:
Պարոն Այվազյանը հայտարարեց, որ չնայած այն հանգամանքին, որ Ռուսաստանը փորձում է հավասարակշռություն պահպանել, կուլիսներում Ադրբեջանին նախազգուշացրել է, որ այդ երկիրը շատ դաժան ձեւով կպատժվի Վրաստանի օրինակով, եթե Ռուսաստանի Դաշնության կամքին հակառակ Ռուսաստանի համար անպատեհ պահին հրահրի պատերազմ Անդրկովկասում: Նրա խոսքերով` Սոչիում տեղի ունեցած եռակողմ հանդիպման ընթացքում հստակ խոսակցություններ են եղել.
«Այնքան հստակ, որ մինչեւ Սարգսյանի հետ հանդիպումը, Ալիեւը այդքան հուսահատ եւ թախծոտ աչքերով էր նայում: Բանը նրանում է, որ մյուս գերտերություններն Ադրբեջանին ոգեւորեցին, որ կապված այս իրադարձությունների հետ, Ադրբեջանը կարող է օգտվել եւ Ռուսաստանը չի միջամտի այնպես, ինչպես պետք է»:
Ամի ՉԻՉԱԿՅԱՆ
Կարդացեք նաև
Քաղաքականությունը դիմագիտության հետ ես շփոթել:Մանկամտությունը միամտության հետ կապ չունի: