Դիլիջանցին հայտարարում է, որ չնայած պայմաններին երբեք չի արտագաղթի
«Ես ոչ մի խնդիր չունեմ, առավոտը գալիս եմ գործի, երեկոյան տուն գնում»,- Aravot.am-ի հետ զրույցում նշեց Տավուշի մարզի Դիլիջան քաղաքի արագ սննդի սպասարկման կետերից մեկի խոհարար տիկին Կարինեն:
Նա խոստովանեց, որ չնայած քիչ աշխատավարձ է ստանում, բայց այն նրան բավականացնում է, քանի որ իր վաստակած գումարը ծախսում է միայն անհրաժեշտ պարագաների վրա.
«Չենք կարողանում գնալ հանգստանալու, չենք կարող մեզ թանկարժեք մեքենաներ թույլ տալ, բայց նորմալ է: Դիլիջանցին իր աշխատավարձով չի կարող գնալ հանգստանալու, որտե՞ղ գնա, Երեւա՞ն, երեւանցին փող է հավաքում, որ գա Դիլիջան հանգստանալու, մենք հանգստանում ենք էլի»:
Կարդացեք նաև
Չնայած պայմաններին՝ տիկին Կարինեն հայտարարեց, որ ստեղծված պայմաններն իրեն ձեռնտու են, եւ ինքն արտագաղթելու մտադրություն անգամ չունի.
«Ավելի լավ է այստեղ էշություն անեմ, քան գնամ Ռուսաստան փող աշխատեմ, գիշերն էլ դողացնեմ, թե վերջում ինչպես պետք է իմ աշխատած փողն ինքնաթիռին տամ: Երբեք էլ չեմ սիրել Ռուսաստանը, եւ երբեք էլ չեմ արտագաղթի»:
Ամի ՉԻՉԱԿՅԱՆ
Երբեք մի ասա`երբեք: